1. 唔准同任何15歲以上 35歲以下無血緣關係既女性單獨外出或者傾超過5分鐘電話。

2. 我’meet’你既時候你唔准縮。

3. 我唔會check你既來電顯示，但系你最好唔好俾我聽到你同不明來歷既女人講電 話。

4. 你個電話裡面只可以有兩個女人既相，你媽媽同我。

5. 唔好俾我見到你著白襪，除左打波既時候。

6. 我明白每個人都有過去，你會有舊情人既相呀信呀禮物呀，但系唔o系我面前飄揚，有咩爛左唔好怪我。

7. 我鍾意收情信，但系好憎見到錯別字。

8. 每日起碼要打一次電話俾我，因為我會掛心你。

9. 你要俾我知你去左邊，我唔系要check你行蹤，只系如果新聞話有三名行山人士失蹤，我要知道系唔系你。

10. 我地未必可以一生一世，但希望你同我一齊既時候，每一刻都對我認真。

11. 我鍾意既手袋牌子系Lu Lu Guinness、Kate Spade、AnyaHindmarch、cheche、agnes b 同 Tod’s你千祈唔好買Patrick Cox同Westwood俾我。

12. 你心裏面諗d咩，一定要同我講，因為我好蠢，你唔同我直接講我唔會知道。

13. 我去dating你叫我玩得開心d既話，我會以為你唔愛我唔緊張我唔想要我。

14. 我鍾意男朋友買香水俾我。

15. 我希望你會記得一切既大時大節生日同紀念日，我唔會提，亦會扮大方，但唔 代表我想你失憶。

16. 男子以才為貌，但系都要乾乾淨淨。

17. 唔好企圖或意圖用「中五妹妹仔o者……」黎做藉口安慰我，我唔會睇小妹妹仔既威力，因為我都曾經年青過。

18. 我慣性去i.t、Marie同Lane Crawford買鞋，鞋碼系Italy 36.5。如果你打算買鞋俾我，記得唔好買錯 size 。

19. 唔准對我講大話。

20. 唔准一腳踏兩船 (或以上 )。

21. 除非d食物好美味，否則我唔想去任何張椅冇椅背既餐廳。

22. 出街一定要拖實我，因為我會盪失路。

23. 我唔揀飲擇食，所以食咩你話事(法國菜除外)，不過，揀甜品既主導權歸我。

24. 如果我遲到，都只系因為我想著靚 d見你，所以你唔好鬧我。

25. 你最好唔好有一堆女性朋友同契妹之類既不明物體o系身邊，否則我會大你三十 萬用行動證明俾你睇我都有一籮男性朋友同契哥加uncle。

26. 我系一個會講粗口既淑女，你最好忍耐一下。

27. 食飯時第一箸夾既食物記得要系俾我既。

28. 我唔會要你幫我去麥當勞換公仔，但系會叫你幫我去Sogo 、Joyce同Lane Crawford 買化妝品。

29. 你唔好走去旺中買o個d所謂既純銀俾我，我會皮膚敏感。你有3個選擇： 1.Tiffany 2. Georg Jensen 3. A Different Corner

30. 鑽石同珍珠，我永遠都唔會嫌多。

31. 我會想你同我一齊揀Lingerie，你唔需要面紅。

32. 我唔會問你我靚唔靚 (因為我知道我唔靚)，你最好諗定第二樣o黎贊我。

33. 我鍾意食Cova 既tiramisu、Zoe既 zoe同1459 ，仲有 Glace既Rose。

34. 我知道你冇可能每秒鐘都掛住我，但系如果你全日都冇諗起我，我會好驚。

35. 如果你著到成個板仔或者 MK Guy咁樣同我出街，我會面青。

36. 如果你郁手打我，我一定會走。

37. 你要留意亦舒既新書幾時出，儘快買俾我。

38. 記得要多d同我既父母social，因為我同佢地關係唔好，靠你去修補。

39. Shopping 時可以分道揚鑣，但系你唔好又要企我隔離又要黑面。

40. 我好樂意同你行你鍾意既鋪頭，你唔需要怕我悶，我會自得其樂。

41. 行入7仔我只會買 3 種飲品：柑桔檸檬、參蜜同 Perrier。

42. 唔好批評我既 好 朋友，因為我同佢地共過患難，唔系酒肉朋友。

43. 我承認我系一個膚淺既人，我既日常讀物系《忽然一周》，你唔高興既我會隊本《紅樓夢》俾你睇。

44. 我唔介意你望靚女，介意既系有筍野睇你都唔同我講。

45. 如果你見到我望住本《飲食男女》兩眼發光，你可以留意下系邊間餐廳，唔太貴既就帶我去試下。

46. 我鍾意食魚蛋河，但系如果大時大節紀念日生日時都系食魚蛋河，我會發火。

47. 我喊既時候，你一定要tum我，因為我只會o系好傷心好傷心既時候先喊。

48. 你打機既時候，我會自己搵野做，你唔需要擔心，最好你教我打埋一份。

49. 你最好有一首隻系屬於我既電話鈴聲。

50. 如果你冇開口講，我都為你去改變，代表我真心鍾意你，請你珍惜我。

51. 我好樂意幫你煮飯洗衫執屋做massage，但系請你唔好當「奉旨」。

52. 買野俾錢既時候，你記得要快我一步拎張credit card出黎，因為每個月俾完家用同找完經常性咭數之後，我既 account只會得番$2000cash。

53. 我會間唔時嗌「我好想嫁我好想嫁 ……」呢句系我既口頭禪，你唔需要太恐慌。

54. 你需要比我更清楚我既電話、 DC同電腦既操作。

55. 當你睇波既時候，我會問你「咩系12碼」等低B問題，你唔好嫌我煩，因為我真系有興趣，但從來冇人教過我。

56. 我會希望你將我介紹俾你既朋友識。

57. 放假時我會間唔中留o系屋企休息，你即管出去玩，唔好以為我系貼身膏藥你唔同我出街我就唔出。

58. 因為我有一d唔系太開心既過去，對人好冇安全感。所以請你用用行動話俾我知你對我系認真既，你唔系玩玩下。

59. 你先要努力工作，然後儘量抽時間陪我。

60. 你唔需要系有錢仔，但系要有上進心，想出人頭地。

61. 你一定要有自己既理想。

62. 我唔會問你「我今日有咩唔同」，你唔需要每次見我都恐慌性將我由頭到腳scan一次。

63. 我想睇日出。

64. 我有寫 blog既習慣，如果你發現o個篇系講你既，你最好俾d反應我。

65. 我好刁蠻任性。

66. 你要做我既人肉地圖。

67. 我M之前一個星期會情緒暴躁，你要小心d 。

68. 我發脾氣cut你線，你唔好即時又打電話俾我， send SMS得架啦。

69. 絕對唔可以check我既 ICQ 、MSN同 SMS。

70. 如果你發我脾氣仲逼我上床，我會覺得好hurt。

71. 你煮飯俾我食，就算只系一碗餐蛋面，我都會開心過食 Rougie鵝肝。

72. 我同你講野既時候自不然會嗲聲嗲氣，我都冇辦法架。

73. 我好有興趣知你既戀愛史，最好由頭到尾同我講一次。

74. 因為愛你，我會珍惜自己，要自己身體健康，叫自己開開心心，你都系。

75. 如果有一日，我地分左手，我都希望可以繼續做朋友。

76. 我唔系唔想陪你著牛仔褲，而系未買到o岩我著既牛仔褲。

77. 我最憎人唔信我。

78. 如果你愛我，你唔會捨得要我傷心。

79. 我都鍾意行山，不過你可唔可以搵 d易行d既路線俾我。

80. 一個男人對女人最大既尊重系向佢求婚，其次系帶佢返去同父母食飯。

81. 男朋友既功用系對女朋友好，女朋友既功用系對男朋友好。

82. 我用慣 LUSH既 soap，麻煩你每個月去買一塊俾我。

83. 好多事唔系我懶底扮唔識搵你做，而系我真系唔識。

84. 我希望你間唔中都會俾比d小驚喜我，系「小驚喜」，唔系「大驚喜」。

85. 你講過，而我又應承過既，我一定會做。例如：你唔o系我身邊我就要凌晨1點前返到屋企。

86. 唔好熄電話，萬一半夜我要去急症室我會想你陪我。

87. 我最鍾意既花系 peony，最鍾意既顏色系紅色。

88. 我唔多鍾意收花，你送盆栽俾我好過。

89. 每次出街請你俾 10分鐘我去行書店。

90. 如果你見我個樣冇乜表情，唔系我唔緊張你，而系愛一個人就會變得笨拙，我唔知用咩表情面對你好。

91. 如果有人追你，記得同我講，我會用掃把掃佢。

92. 好遺憾我冇機會細細個就識得你，所以宜家請你俾多d時間我，俾機會我去了解你。

93. 我既工作或者比唔上你既重要，但我都希望你會尊重我既工作。

94. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。

95. 著得sexy 系有兩個原因：1. 我覺得靚 2. 等你緊張我。

96. 我知你對我用咩化妝品護膚品冇興趣，不過問下咩顏色好都得掛。

97. 你要記得間中同我講「 I love you」，否則我會以為你唔再愛我。

98. 我地要開一次會，睇下你對呢d 戒條有冇異議。

99. 條文內如果有唔清楚既地方，以我既說話為依歸。

100. 其實，我明白這些戒條有點吹毛求疪有點不設實際有點妙想天開。我只想你知道，在寫這些戒條的時間內，每一秒鐘，也在牽掛你。