水原共生硬拼膠原自生 兩大療程點揀好?

, 健康, 生活

CLINICZ水原共生硬拼Reenex膠原自生 兩大療程點揀好?

比較CLINICZ水原共生與Reenex膠原自生

 

膠原自生聽得多,不過最近亦不時聽到人講CLINICZ水原共生,好多人將膠原自生和水原共生相提並論,但其實 一齊比較唔公平,因為兩個療程嘅成效唔同。膠原自生只講膠原增生,而CLINICZ水原共生除了增生膠原,仲可以深層補充埋水份,同時又有比HIFU更強拉提功效。最後我決定兩個療程都試下,深入睇下兩個療程嘅共通點同最大分別,做返個詳細嘅比較,等大家知道邊個療程更適合自己多D。

 

先來個簡單比較,方便大家一眼睇晒:

 

水原共生與膠原共生比較表

 
水原共生
膠原自生
價錢
$$$
$$$
療程項目
1-  MDS膠原激活
2-  PTLI
激光水脈導入
3-  S square
延效再生
1- 果酸換膚
2- Aramis 1540 Laser
3- RF射頻
療程功效
輪廓提升能力 *****
減退皺紋         
緊緻肌膚
提升輪廓
增加皮膚彈性
 
膚質提升能力 *****
增加光澤感
均勻膚色
收細毛孔
提升肌膚水分
提升鎖水力
水油平衡
改善暗瘡
輪廓提升能力:沒有
需另做輪廓提升療程,如HIFUUlthera
 
 
 
膚質提升能力 *****
增加光澤感
均勻膚色
提升肌膚水分
提升鎖水力
水油平衡
改善暗瘡
敏感反應及復原期
全無不良反應
復原期
果酸換膚易致敏感
復原期1-2
痛感度
1-2
2-5

 

 

療程做D咩?

 

~CLINICZ水原共生~

療程主要由3個步驟組合而成,目的除咗刺激膠原增生同提拉返筋膜層,還加入咗德國最新醫學級激光導入科技,同時為皮膚深層注水,補水效果仲勁過保濕針同水光槍。而有水分就可以活養更多健康嘅膠原,令到緊緻提拉比一般生膠原嘅療程更有效同持久。水原共生三個步驟都有一個膽,就係肌膚重建元素SR140 (Skin Rebuild 140),係療程嘅重要營養素,貫穿成個療程。

 

  1. 膠原激活:

係繼HIFU之後最新的輪廓拉提技術,用MDS膠原激活技術,由膠原層到筋膜層整個layer全段式刺激膠原增生,收緊筋膜層,做到拉提輪廓嘅效果,過程比HIFU快,亦唔會好似HIFU咁痛。

  1. 水養膠原:

PTLI激光水脈導入,係德國最新醫學級激光導入技術,用雙重激光及脈搏偵深科技,將SR140中高濃度水份子直接準確地導入皮膚細胞,令細胞可以飲飽水,幫助生更多健康膠原。

  1. S2延效再生:

由SR140 肌膚重建元素中選出珍罕生長因子、肽因子、修復因子及抗氧化分子,配製成肌膚營養素,再用Healight 830技術迅速導入修復細胞,收緊毛孔及表層緊緻,令整個療程效果Keep得更耐。

  

~膠原自生~

療程實際上係由5個療程組合而成,目的好專一,就係針對流失左的膠原,佢地透過三個步驟好FOCUS咁令膠原自生。

 

  1. 活膚更生:

用CPS化學煥膚水基酸溶解老舊角質,去掉死皮加快皮膚更生。

  1. 膠原自生 (Aramis + HydroFacial):

用冷凍光學深入500微米叫醒膠原媽媽,再用HGF 110種生長因子激活細胞增生,催生多D膠原BB, HydroFacial同時能吸走老化角質層及皮膚中的污垢,改善暗啞及增強肌膚的吸收能力。

  1. 扭緊膠原(TRF+AUF)"

用專利RF射頻鞏固膠原,緊緻輪廓。

 

結論:

兩者各有優點,膠原自生完全專注、集中令膠原大量增生,又可以溶解老舊角質,但化學煥膚唔係每個人嘅皮膚都啱做,容易損害皮膚。而醫學亦證實膠原欠水會好易流失,無咁長壽。至於水原共生同時解決到補充膠原同水分嘅問題,加埋輪廓拉提的部分就令到成個療程比較吸引,皆因大部份輪廓拉提技術如HIFU係唔可以同激光一齊做,呢個新技術MDS膠原激活技術係唯一可以同PTLI激光水脈導入同日做,加強成效,療程效果令人期待。

 

療程體驗夠舒服?

compare-reenex-vs-clinicz-3

~水原共生~

整個水原共生療程都幾舒適,即使做拉提輪廓的MDS膠原激活亦幾乎是無痛,完全不用搽麻醉膏,只覺得提拉時有輕微的酸軟感覺,並無劇痛或不適感,跟HIFU的十級痛很不一樣;做S2延效再生療程時要戴上一個像電單車頭蓋的面罩,將珍罕的生長因子、肽因子及修復因子等養份導入肌底,整個過程相當舒服,有BLOGGER做療程時睡着了。

 

~膠原自生~

膠原自生用的是冷凍光學,整個激光療程部份算是舒服,或許有少許位置會被凍得有點不自在,但有助減輕皮膚對激光的灼熱感,反而做化學煥膚時,會覺得有小小吉吉痕痕的感覺,有些人嫌又吉又痕唔舒服,同埋會擔心皮膚唔受得。

 

 

療程效果邊間好?

 

~CLINICZ水原共生~

MDS膠原激活做完後,面部輪廓嘅提升效果已經肉眼都睇到,之後嘅PTLI激光水脈導入做完都會即時白淨好多,摸落係幼嫩不少,而S2延效再生時會再FEEL到皮膚拉緊,做完真係包包面都細左,jawline出番黎,虎紋皺紋明顯淡左,收細毛孔,加埋佢有深層補水,水亮彈滑嘅效果呃唔到人~

 

水原共生療程建議每兩星期做一次效果會比較好同長久(當然都係有嗰句因人而異啦),但大前提要唔好曬咁多,同埋做好療程後嘅保養,如果曝曬又唔保護皮膚,做咩療程都幫你唔到。

 

~膠原自生~

做完活膚更生療程皮膚即時白滑咗,亦好吸收,注意少數人做完後會引爆暗瘡。真正做到3年不老嘅係第二步嘅膠原自生 (Aramis),用冷凍光學叫醒膠原細胞,但有指3年不老只係醫學研究咗11個人嘅測試,成效係由做療程第一日起計,亦要KEEP住做先有效,係真定假,只能講因人而異。

 

 

價錢點樣計?

compare-reenex-vs-clinicz-5

由於兩個療程唔完全一樣,直接比較價錢並唔合理,所以只能概括地列出參考價錢,志在供大家參考知道大約係咩價位,大家睇完上面都應該初步了解咗兩個療程各自嘅特點和強項,看價錢時也一併考慮邊個療程最適合自己先係重點。

 

~CLINICZ水原共生~

CLINICZ水原共生嘅價錢是根據所買的療程次數而有所不同,每次包括3個STEPS : MDS膠原激活 + PTLI激光水脈導入+ S2延效再生療程 ,除返開每次療程大約需要平均1萬蚊多少少,而佢地最新都推出左個5000幾蚊嘅體驗療程,等D客可以用一個平D嘅價錢試做一下療程。 對比坊間一個療程又要幾錢呢?HIFU 係水原共生嘅Double價錢,一般要 2萬幾蚊做一個全面療程 ; Ulthera機做全面500線價錢都係2萬幾有網友係Physicxx 做眼面頸一次hifu價錢 $25000,據講正價要5萬添,另外有網友比中型美容院 sell 話全面連頸推廣價都要$49xxx/3次。咁睇落 CLINICZ 水原共生有埋深層注水嘅效果,性價比其實幾高喎。

 

~膠原自生~

不同組合價格亦不同,正價以外又有閉門海鮮價,千變萬化,透明度唔高,當時佢地係Sell我膠原自生療程 (只包括Aramis+Hydro Facial) 12次,4萬蚊左右,即一次大約$3,333,如果非繁忙時段優惠價$34,827。但有網友話試過講價,減到$25000包12次Aramis+HGF Hydra Facial+2次TRF膠原強效緊緻療程,聽落好抵,但要睇你講價嘅牙力了。雖然有人嫌貴,但亦有網友認為Reenex的CENTER大都有五星級設施加無敵海景,咁嘅級數,價錢算公道。

 

結論:

CLINICZ的水原共生價錢平均1萬頭1次,每次3個STEPS,除返$4,000左右就做到輪廓拉提、膠原增生同深層注水,可以話價錢好合理,最大好處係明碼實價無隱藏收費,大家有預算。

 

邊個更專業可信?

 

~CLINICZ水原共生~

— CLINICZ每個客人都係2對1服務,由治療師加療程總監負責,佢地一定要通過專業訓練,治療師全心專注做療程,所以操作經驗十足,同埋無銷售責任係身,唔洗驚一路做一路被Sell;療程總監對不同皮膚狀況都有十足了解,負責跟進及監察客人成個療程進度。

 

— CLINICZ設有Clinical Department,係以療程後服務為主,由註冊醫生組成,較罕有地佢地用咗醫院先用到的DCIMS醫院管理系統,追蹤及監察療程進度,監管保證安全標準。

 

~膠原自生~ 

— Reenex的治療師必須經過專業訓練,治療師經驗足,對儀器嘅操作、不同皮膚狀況都很有了解,由諮詢到完成療程,治療師都會全程細心為客人跟進監察。

 

— Reenex後台有Neo-Collagen Institute,主要以開發技術為主,進行國際性嘅研究及亞洲區臨床測試,維持高水平的安全及可靠性,可惜佢地膠原自生技術由開店至今已沿用多年,未見更新。

 

你的皮膚需要咩?

膠原蛋白同水份對皮膚的重要性大家都認知,皮膚組織中含有70%膠原蛋白,而膠原蛋白當中又含有50%水份,膠原與水,係雞先定有蛋先好難搞得清,但兩者同樣重要,缺一不可就係比鐵更堅嘅事實。

 

皮膚缺水及膠原流失都係皮膚衰老嘅死穴,所有皮膚問題都會走出來,即使激活了皮膚膠原自生,令真皮層得到了支撐,也同時需要注滿高水份因子的透明質酸來填滿,才能保持真皮層時刻水噹噹、漲卜卜的水亮彈滑。

 

療程前檢查?

 

輸血都要先驗血,睇下你係咩血型先可以對症下藥,否則畀咗唔啱嘅血型你,幫唔到自己事少,傷咗身體就事大;做醫學美容療程都一樣,有一個很重要但又常被忽略的過程,就係做療程前嘅皮膚紋理及輪廓分析!我地經常只用肉眼去估皮膚要咩,但就無科學化、好實在咁了解究竟皮膚真正要D咩?要了解左先可以做啱療程,否則浪費唔少金錢和時間,而好嘅醫學美容中心,做療程前都必定會先為客人分析皮膚紋理及輪廓。

 

CLINICZ嘅「720輪廓膚質檢測系統」,720度VR 3D科技測量技術拍攝臉形輪廓,再用電腦分析亞洲人嘅輪廓比例係點,你嘅比例又係點,零死角睇晒臉上邊度有凹陷,邊度有鬆弛,呢個分析更深入,夠晒全面,出面好少見。

 

Reenex有SKIN CV 肌底分析,主要睇皮膚深層色斑或受損問題;Reenex同CLINICZ喺做療程前都會安排客人先做皮膚分析,睇左皮膚狀態,徹底了解左皮膚需要先,再度身訂造個人化嘅療程組合。

 

結論:

多咗膠原固然可以令水份增加,但皮膚本身亦要有充足水份,先可以養大膠原,否則膠原都唔會命長久。所以大家做咩療程都好,最緊要知道皮膚要咩,以及咩療程最幫到皮膚!

 

 

關於水原共生 

關於膠原自生

免費皮膚紋理及輪廓分析

 

 

related_posts_givenid6