點解次次拍拖都會遇到人渣？好多女仔失戀之後就會呻，點解次次都遇到人渣。其實愛情真系會令人盲目，尤其是好多女仔喺曖昧期間，好容易俾男方嘅熱烈追求，而冇睇清楚究竟對方系一個點樣嘅人，究竟對方系咪同自己真系夾？唔想再喊住呻俾人飛咗之後先睇清楚佢面目，咁拍拖前就好應該留意嚇以下5點：

人渣出沒請注意

1. 有冇朋友？

留意對方多唔多朋友，冇乜朋友好可能系因為佢性格有問題，或者之前已經臭曬朵。仲有留意佢嘅朋友圈子系一類點樣嘅人，近朱者赤，近墨者黑，如果佢班Friend系一班食女無數嘅花花公子，咁你就要諗清楚，究竟呢個男仔系咪都系玩家啦。

2. 你哋喺邊度識？

如果你哋系落Club識嘅，當然對方系玩家嘅可能性都會大大提高。如果你哋喺學校認識，之間仲有好多共同朋友，通常都比較穩陣，俾人玩嘅機會大大減低，因為邊個唔驚臭朵，仲有啲friend同自己絕交！

3. 放自己喺第一位？

喺曖昧期間，對方有冇放自己喺特別位置，都系考慮因素之一。如果除咗你之外，仲同其他女仔搞曖昧，關係唔清唔楚，當然唔要得。如果拍拖前都唔將你放喺第一位，到日後你都唔洗旨意自己有咩地位可言！

4. 點對屋企人？

熱戀期好快就會過，拍多幾年拖，愛情都會變成感情。留意佢點對自己屋企人，或多或少都可以睇得出佢點對自己摯親嘅人。

5. 脾氣臭唔臭

留意佢同屋企人、朋友點樣相處，佢系咪一個脾氣差嘅人，好容易好少事就會激到佢發嬲。日後拍拖朝夕相對，要一齊面對大大小小嘅問題，如果伴侶系一個脾氣差嘅男人，都幾難相處，亦都唔洗旨意會遷就自己。

6. 價值觀一致？

拍拖前最重要的事是多聊天，上至天文地理，下至新聞時事，了解一下對方的價值觀跟自己夾唔夾，呢點真系好重要，價值觀一致嘅情侶先至可以一齊行更遠嘅路。